Бүген Казандагы Габдулла Тукай исемендәге Татар дәүләт филармониясендә Россиянең һәм Татарстанның халык артисты, бөек җырчы Илһам Шакировның 90 еллыгына багышланган концерт бара. Шулай ук биредә мэтр туган көндә, ике елга бер мәртәбә бирелә торган Илһам Шакиров исемендәге республика премиясе тапшыру тантанасы үтте. Аны ТР Дәүләт Советы Рәисе урынбасары Марат Әхмәтов тапшырды.

Быел әлеге премиягә «Хатын-кызлар вокалы» номинациясендә Россиянең һәм Татарстанның халык артисты Зилә Сөнгатуллина; «Ир-атлар вокалы» номинациясендә Татарстанның атказанган артисты Артур Исламов; «Халыкчан башкару» номинациясендә Татарстанның халык артисты Зәйнәб Фәрхетдинова һәм Илшат Сибәгатуллин лаек булды.

Әлеге премия җырчының исеменен мәңгеләштерү максатыннан 2020 елда гамәлгә куелган.