Kazan Digital Week 2024 кысаларында мәгариф учреждениеләре, укытучылар һәм укучылар өчен татар телендә "Альт Мәгариф" операцион системасы тәкъдим ителде.

«Базальт СПО» җитештергән әлеге операцион системаның төп модульләре "Белем.ру" IT-компаниясе тарафыннан татар теленә тәрҗемә ителгән һәм белем бирү системасында куллану өчен әзер. Киләчәктә компанияләр бу өлкәдә хезмәттәшлекне дәвам итәчәкләр һәм, шул максатларда, кичә, 10 сентябрь көнне, ике компания арасында хезмәттәшлек итү турында килешүгә кул куелды.

Килешү кысаларында «Альт» продуктларын татар теленә тәрҗемә итү, әзер продуктларны бергәләп сынау һәм үзара ярдәмләшү каралган: https://www.basealt.ru.

"Альт Образование" продукты турында тулырак мәгълүматны https://www.basealt.ru/alt-education адресы буенча алырга мөмкин.