«Киләчәк коды» проекты узган ел старт алган иде. 

Дәресләрне илебезнең әйдәп баручы университетлары һәм IT-компанияләре оештыра. Аларда  8 – 11 нче сыйныф укучылары һәм көллият студентлары шөгыльләнә ала. Курслар онлайн форматта яки офлайн рәвештә – һәр төбәктә булдырылган махсус мәйданчыкларда үтә.

Өйрәнү өчен Python, Java, C++, C#, 1С, Lua, SQL, JavaScript һәм башка телләр тәкъдим ителә. Каталогта сайлап алу өчен 68 курс булдырылган. Укыту 144 академик сәгатькә исәпләнгән.

Укырга теләүчеләрдән гаризалар 30 сентябрьгә кадәр кабул ителә.