Татарстанда быел яшь педагоглар өчен «Безнең яңа укытучы» грантын кабат бирә башларга телиләр.

«Бүген эшләнештә Министрлар Кабинетының «Безнең яңа укытучы» гранты турындагы карарының проекты тора. Татарстан Рәисе Рөстәм Миңнеханов бу грантны 2023 елдан башлап яңарту бурычын куйды. Шуңа күрә тармакка яңа педагоглар килер дип өметләнәбез», – диде атарстанның Мәгариф һәм фән министрлыгының Гомуми белем бирү идарәсе башлыгы Татьяна Алексеева.

«Безнең яңа укытучы» гранты Татарстанда 2011 елдан бирле гамәлдә булды. Ул педагог эшенең беренче өч елында хезмәт хакына айга 10 мең сумга кадәр өстәмә түләү бирүне күздә тота. Бу грант ярдәмендә мәктәпләргә ел саен 200 яшь укытучы килә. 2020 елда ул гамәлдән чыгарылган иде.