Хөрмәтле әдәбият сөючеләр һәм камиллеккә омтылучылар! 

Сезне XXII Дөньякүләм #әдәбимарафон башлану белән тәбрик итәбез! Ул 1 гыйнвар көнне башланды һәм 21 көн дәвам итәчәк.

Финалга чыгу өчен 21 көн дәвамында (1-21 гыйнвар) татарча китап/журнал (роман, повесть, хикәя, пьеса, поэма, шигырь) укып һәм укыган әдәби әсәрдән иң мәгънәле, кызыклы һәм файдалы өзекләрне үз сәхифәгездә башкаларны кызыктырырлык итеп, фотосурәтләр/видеоязмалар өстәп #әдәбимарафон, #татарстанязучыларберлеге, #татнетныүстерүфонды һәм партнерларның хэштеглары, әсәр исеме һәм авторы хэштеглары белән урнаштырып барырга кирәк (катнашучының профиле ачык булырга тиеш!).

Хәерле сәгатьтә!