19 октябрьдән 25 октябрьгә кадәр "Дуслык" сәламәтләндерү-белем бирү комплексы базасында Татарстанның сәләтле балалары өчен француз, немец һәм кытай телләре буенча «Speak and study» республика профиль сменасы кысаларында көзге укыту-тренировка җыеннары уза.

Сменада Казан, Яр Чаллы, Түбән Камадан һәм Әлмәттән 80гә якын укучы катнаша. Сменада катнашучылар - 2020-2021 уку елының француз, немец һәм кытай телләре буенча мәктәп олимпиадасының мәктәп этабы җиңүчеләре һәм призерлары, шулай ук 2019-2020 уку елда бөтенроссия олимпиадасының төбәк һәм йомгаклау этаплары җиңүчеләре һәм призерлары.

Атна дәвамында балалар белән КФУның Халыкара мөнәсәбәтләр институтының Чит телләр һәм тәрҗемә югары мәктәбе командасы шөгыльләнәчәк.