Күптән түгел "Казан" милли-мәдәни үзәгендә 2нче гимназиясенең XV татар халык җыры фестивале гала-концерты узды. Концертта 2нче татар гимназия укучылары гына түгел, ә Мәскәү шәһәренең Муса Җәлил исемендәге 1186 мәктәп укучылары, Дмитровградтан, Пермь якларыннан һәм Татарстан республикасының Балтач районы Карадуган авылы мәктәбенең укучылары да катнаштылар.

Укучылар үзләренең иң яхшы чыгышлары белән гран-при өчен көрәштеләр.
Жюри составында Татарстанның атказанган артисты Мингол Галиев, халык артисты Зөһрә Сәһабиева-Бигичева, ТНВ каналында алып баручы режиссёр-сценарист Нуралия Җамалиева. Кунакта шулай ук атаклы җырчылар, артистлар, Бөтендөнья Татар Конгрессының башкарма комитеты рәисе Ринат Закиров, "Шәрекъ клубы" вәкилләре, күп кенә журналистлар булды.

Әлеге вакыйга турында тулырак мәгълүмат, видеолар http://tg2.openkazan.info/tt/node/375 сылтамасында.