Техника алга замана белән бергә атлый. Дәреслекләрне, көндәлекләрне аларның электрон вариантлары кысып чыгара башлады. Россиянең күп кенә гомуми белем бирү оешмаларында көндәлекләрнең бу вариантын кулланышка керде. Шул исәптән Ульян өлкәсендә дә мэрия карары буенча шәһәр мәктәпләрендә укучыларга билгеләрне электрон көндәлекләргә куя башлаганнар. Ләкин югары сыйныф укучылары көндәлекне тутыру программасын “вата” алганнар.

Моңарчы электрон көндәлекләрне Тверь, Пермь, Түбән Новгородта кулланышка кертергә уйлаганнар. Ләкин Ульяновскида ул аеруча популярлык ала. Әйтик, ноябрь башыннан биредә 86 мәктәптә виртуаль көндәлеккә күчәчәк. Әти-әниләр Интернет яисә смс-хәбәрләр ярдәмендә балаларының укулары турында хәбәрдар булачак. Бу хезмәт өчен аена 60 сум түләргә кирәк. Ләкин әти-әниләрнең 20 проценты көндәлекнең бу формасын кулланырга ризалык биргән. Киләчәктә авыл җирлегендә эшләүче мәктәпләргә дә яңалык кертеләчәк.

Шул ук вакытта көндәлек тутыру программасын гади укучылар ача алырлык булгач, аның сыйфаты ни дәрәҗәдә соң? Бер информатика укытучысы сүзләренә караганда, “система ахыргача уйлап бетерелмәгән, бер икеле урынына ул икене дә куярга мөмкин”.

Чыганак: www.5ballov.ru