Киләчәктә 65 хәрби югары уку йорты базасында 10 фәнни үзәк төзеләчәк. Әлеге планнар белән Россия Федерациясенең Оборона министры Анатолий Сердюков уртаклашты. Оборона министрлыгы башлыгы сүзләренә караганда, бүген илебезнең хәрби югары уку йортлары системасына 15 академия, 46 хәрби институт һәм училище һәм 4 хәрби институт кергән.

«65 югары уку йорты нигезендә фәнни үзәкләр төзеләчәк. Аларда бердәм укыту процессы һәм фәнни эшчәнлек формалаштырылачак. Шулай ук бөтенләй яңа техник база тудырылачак”, - диде министр Сердюков. Ләкин моңа карап укытучы кадрлар кыскартылмаячак. Бары югары уку йортларының идарә аппаратын кечерәйтү көтә.

Билгеләнгән вакыт дәвамында фәнни үзәкләрнең эшчәнлеге күзәтү астында булачак. Аннан соң гына уку йортларының кайсысы калып, кайсылары бетереләчәге хәл ителәчәк. Фәнни үзәкләрне территориаль үзенчәлек буенча төзиячәкләр. Ләкин белгечләрне алар Хәрби көчләрнең барлык төрләренә дә укытачак.

Чыганак: www.5ballov.ru