Күптән түгел Бөекбритания газеталарының берсе дөньяның әйдап баручы югары уку йортлары исемлеген бастырып чыгарды. Россия Федерациясенең иң яхшы уку йорты - Ломоносов исемендәге Мәскәү дәүләт университеты ике ел элек 93нче баскычны биләгән булса, быел ул беренче йөзлеккә дә эләгә алмаган.

Россия уку йорты белән бергә икенче йөзлеккә Текнион Израиль технология институты, Дели һәм Бомбей шәһәрләрендә урнашкан ике индия университеты, Чулалонгкорн таиланд университеты, Көньяк Корея Фән һәм технология университеты, Швейцариянең Лозан һәм Берн кебек университетлары һәм Буэнос-Айрес (Аргентина) университеты да кергән.

Гадәттәгечә, рейтингның беренче баскычларын Төньяк Америка (алты уку йорты) һәм Бөекбританиянең дүрт югары уку йорты били. Беренче урында - Гарвард, икенчедә Йель. Өчтә һәм дүрттә Кембридж белән Оксфорд.

Үз чиратында, Мәскәү дәүләт университеты администрациясе Россия югары уку йортлары рейтингын төзегән. Биредә ул, әлбәттә, беренче бакскычта тора. Югары уку йортларына бәя биргәндә инновацияләргә дә, фәнгә керткән өлешләре дә исәпкә алынмаган. Барысын да теге яки бу югары уку йотын тәмамлаган студентларның эш табу-тапмавы хәл иткән.

Чыганак: www.5ballov.ru