Татар мәгарифе порталы
Сез монда
Татарстан Премьер-министры фикеренә караганда, Казанның 8 нче гимназиясе предприятие белән мәктәп хезмәттәшлеге буенча үрнәк булып тора.
Бүген республиканың барлык шәһәрләре һәм районнарында мәктәпләр ачылды. Бүген Казанның 8 нче номерлы гимнзиясендә Белем көненә багышланган тантаналы чарада Татарстан Премьер-министры Илдар Халиков та булды.
Ул укытучыларга, укучыларга һәм аларның ата-аналарына мөрәҗәгать итеп, республикада мәктәпләрне матди-техник җиһазлауга юнәлдерелгән программалар гамәлгә куела, дип ассызыклады. Шулай ук Татарстан Премьер-министр бүгенге көнне барыбыз өчен дә мөһим булуын ассызыклады.
“Бу көн унберенче сыйныфлар өчен үзенчәлекле – бик аз вакыт калды, тиздән имтиханнар тапшыру, вузга укырга керү һәм олы тормышка күчәр көн җитә. Беренче сыйныфлар өчен дә бу бәйрәм мөһим. Аларны беренче сыйныфка кергән көннәре белән котлыйм. Барлык өлкәннәр дә диярлек беренче сенятбрьләрен хәтерли. Сезгә бу мәктәптә кызыклы булуын һәм яхшы белем алуыгызны телим. Сезнең белән кукытучылар горурлансын, сезнең портретларыгыз һәм исемнәрегез бу мәктәп өчен иң яхшысы булсын”, - дип мөрәҗәгать итте ул укучыларга.
Бүген 8 нче гимназия укучыларын Казан вертолет заводы генераль директоры Вадим Лигай да яңа уку елы белән котлады. Ул җитәкләгән предприятие 4 ел дәвамында бу мәктәп белән хезмәтәшлек итә.
“Сезнең һәрберегез дөрес тормыш юлын сайлавын, сәләтен үстерүен, ә яңа уку елы уңышлы булуын телим. Без, җитештерүчеләр, ничек булдырабыз, шулай ярдәм итәрбез, сезнең матди базагызны ныгытабыз, өстәмә белем алганда ярдәм итәбез”, - диде ул.
Илдар Халиков билгеләп үткәнчә, бу Казанның 8 нче гимназиясе предприятие, югары уку йорты белән мәктәпнең бергә эшләве буенча үрнәк булып тора. “Бу Казанның башка мәктәпләре өчен дә үрнәк. Монда эре җитештерү предприятиесе һәм Казан авиация институты ремонт үткәрүче шеф кына булып калмый, ә уку процессларын һәм балаларның ялын да оештыра”, - дип билгеләп үтте ул.
Вадим Лигай сүзләренә караганда, вузны тәмамлаучыларны предприятиеләрдә хезмәткәр буларак күрергә шат булачаклар. “Балаларга һөнәр сайлауда ярдәм итәргә кирәк. Тәҗрибә күрсәткәнчә, нигездә, балалар булачак һөнәрен ММЧ, ата-аналар һәм укытучылар ярдәме белән сайлый. Алар хезмәт базарында нинди белгечкә ихтыяҗ булуын белми. Нәтиҗәдә, күп вакыт һәм көч сарыф ителә, ә вузны тәмамлаучылар белгечлек буенча эшкә урнаша алмый”, - дип билгеләп үтте В.Лигай.
Чыганак: http://tat.tatar-inform.ru