Татарстан китап нәшриятының Бауман урамында урнашкан махсус кибетендә язучылар, җырчылар, гомумән сәнгать әһелләре белән очрашулар кичәсе быелгы сезонда кабат башланып китте.

Идел буе Федераль университеты каршында эшләп килүче регионара укытучыларның белемнәрен күтәрү һәм өстәмә белем бирү үзәгенә килгән татар теле һәм әдәбияты укытучылары Татарстанның халык артисты Фердинанд Сәлахов һәм Татарстанның атказанган артисты Рөстәм Закиров белән очраштылар. Өлкән укытучы Гөлүсә Низаметдинова төркемендә белемнәрен күтәрүче укытучылар бу ике очрашуда да үзләрен кызыксындырган, җыр-моң, артистлар тормышына кагылышлы сорауларын сәнгать әһелләренә җиткерделәр. Фердинанд Сәлахов та, Рөстәм Закиров та укытучылар сораган җырларны теләп башкардылар. Укытучылар үзләре белән күрешкән җырчыларга рәхмәтләрен җиткерделәр. Мондый кызыклы чаралар китап кибетендә һәр атнада үтеп торачак.

Чыганак: http://tat.tatar-inform.ru