Татар мәгарифе порталы
Сез монда
Губернатор Александр Мишаринның Свердлау өлкәсендә сәнәгать предприятиеләре һәм урта мәктәпләр арасында шефлык элемтәләрен тергезү турындагы тәкъдимен үтәп, өлкә хөкүмәте заводлар белән белем бирү учреждениеләре арасындагы элемтәне ныгытуга мөмкинлек бирүче программаны төзеде. Бу турыда Свердлау өлкәсе хөкүмәте рәисе урынбасары Алексей Багаряков сөйләде.
Вице-премьер хәбәр итүенчә, агымдагы елның 1 сентябреннән төбәктә “Мәктәпләрне шефлыкка алуны тергезү” программасы старт алды. Программаны барлык өлкә территориясенә җәелдерү планлаштырыла. Бу программа укыту процессы шартларын камилләштерү, мәктәпләрнең технологик инфраструктурасын, балаларның әхлаки тәрбиясен үстереп кенә калмыйча, укучыларның һөнәри юнәлешен билгеләүгә ярдәм итүче укыту программасын булдыруга этәргеч булачак.
Программа өстендә эшләүнең беренче этабында 2011 елның җәендә мәктәпләргә сәнәгать предприятиеләре тарафыннан күп еллар дәвамында оештырылган шефлык ярдәменең эшенә анализ ясала. Нәтиҗәдә Свердлау өлкәсенең 400 мәктәбенә шефлык ярдәме күрсәтелмәве билгеле була.
Эшнең икенче этабында шефлары булмаган уку йортларын якында урнашкан предприятиеләргә теркәү күзаллана. Эш 2011 елның ахырына кадәр дәвам итәчәк.
Эшнең өченче этабында эш планлы алып барылачак, аның чикләрендә укучылар предприятие-шефларын якыннан беләчәк, ә мәктәпләр даими шефлык ярдәме алачак.
Агымдагы елның ахырына 400 предприятиенең 200 якын дусларын – шефларын булдырачак, ә 2012 елның май аена өлкәнең һәр уку йорты үз шефын булдырыр дип көтелә.
Чыганак: http://tat.tatar-inform.ru