Укытучы бу тормышта нинди бүләкләргә лаек? Заман укытучысы өчен бүгенге көндә ниләр кирәк?

Әлбәттә, бу сораулар гасырлардан бирле бирелеп килә. Укытучы елында да бу сораулар бирелмәсә, ахмаклык булыр иде. Әмма сорау биреп кенә калырга түгел, ул сорауларга җаваплар да табарга кирәк. Җавап табып калырга гына түгел, укытучыга хезмәтенә күрә хөрмәт күрсәтә белергә кирәк.

Бу максаттан дәүләтебез беренче адымнарын ясый башлады инде. Бу адымнар әле алай зур булмаса да, аларның инде булуы шатландыра.

Шундый адымнарның берсе - укытучыларны компьютер һәм ноутбуклар белән тәэмин итү. Бу максаттан оештырылган бәйгеләрнең берсе "Укытучыга - компьютер" ("Компьютер - учителю") дип атала. Әлбәттә, компьютер хәзер инде әле мәктәпкә кермәгән балада да бар. Көн дә мәгълүмат белән эшләүче укытучылар өчен компьютер кирәк тә кирәк.

Әлеге акция нигезләмәсен, гариза бланкын һәм башка шундый файдалы мәгълүматны сез беркетелгән файлдан укып таба алырсыз.