Татарстан Республикасының Мәгариф һәм фән министрлыгы хәбәр итүенчә, мәктәп укучылырының биология һәм хокуктан Бөтенроссия олимпиадасының региональ этабы (2010) нәтиҗәләре мәгълүм.

Биологиядән I урынга Яр Чаллы шәһәренең 19 урта мәктәбе укучысы Шерзод Абдуллаев (гомуми балл 133) лаек була. Призерлар: Түбән Камадан Елена Иванова һәм Алексей Терехов (35 нче лицей), Айгөл Сафиуллина (27 нче мәктәп), Анна Гарнышева (Красноключинск мәктәбе), Яр Чаллы шәһәреннән Марат Закиров (24 нче мәктәп), Илья Гончаров һәм Денис Илюхин (31 нче мәктәп), Алинә Вәлиуллина (19 нчы мәктәп), Алена Коновалова (47 нче кадет мәктәбе), Алсу Габбасова (6 нчы мәктәп), Казаннан Ләйсән Хәбибрахманова (116 нчы лицей), Рафаэль Хисмәтуллин (2 нче интернат-лицей), Мария Дзамукова (139 нчы мәктәп), Валерия Сыромятникова (103 нче мәктәп), Лия Ситдыйкова (7 нче гимназия) һәм Бөгелмәдән Вера Ходжаева (4 нче мәктәп).

Хокук фәненнән 64 балл җыеп, абсолют җиңүче буларак Яр Чаллы шәһәренең 77 нче гимназиясе укучысы Карина Скоморохова таныла. Бүләк алучылар арасында тагын 7 укучы бар. Болар: Түбән Камадан Равил Чагаев (24 нче интернат-лицей), Яр Чаллыдан Маргарита Алексеева (20 нче мәктәп), Казаннан Әминә Әл-Аккуми һәм Гадел Җаббаров (122 нче гимназия), Полина Асафьева (19 нчы гимназия), Михаил Бус (102 нче гимназия), Вероника Крайнова (8 нче гимназия).

Тулырак мәгълүмат беркетелгән файлларда.