Хезмәт, музыка һәм физкультура кебек дисциплиналар якын арада укыту планыннан төшереп калдырылырга мөмкин. Шул ук вакытта бу дәресләрнең сәгатьләре артуы да ихтимал. Бу очракта ул өстәмә, ләкин мәҗбүри фән буларак кертеләчәк.

Россия Федерациясенең Мәгариф һәм фән министры Андрей Фурсенко аңлатуынча, яңа стандартлар буенча ял итүгә исәпләнгән дәресләр күләме регионнар тарафыннан зурайтылырга мөмкин. Әйтик, физкультура дәресен кимендә атнасына 5 сәгать итеп күбәйтергә мөмкин. Ләкин моны алда әйтелгән дисциплиналарны укыту планы кысаларыннан чыгарган очракта гына эшләргә мөмкин. “Шул вакытта гына мәктәптәге йөкләмә санитар кагыйдәләргә һәм таләпләргә туры киләчәк”, - диде министр.

«Әлеге предметлар уку көне азагында куелырга мөмкин. Бу вакытта, уен формалары хисабына, алар уку процессын җиңеләйтәчәк. Укытучылар исә үз эшләре өчен лаеклы хезмәт хакы алырга тиеш”, - дип йомгаклады Фурсенко.