Шушы көннәрдә тагын бер масштаблы бәйгегә йомгак ясалды. Без “Перспектива” бәйгесе барышы хакында даими хәбәр итеп тордык. Татарстан Республикасы мәгариф оешмалары укучыларының «Перспектива» IV Республика инновацион фәнни-техник проектлар бәйгесе җиңүчеләрен Казан дәүләт университетының Актлар залында котладылар.

“Мәгълүмати технологияләр” номинациясендә Мария Лосева, “Радиотехника һәм электроника. Энергетика һәм энергия саклау”да Илмир Газиев, “Авиация, һавада йөзү, космонавтика. Автомобиль, транспорт, суднолар төзү. Җиһазлар һәм җайланмалар”да Надежда Фадеева, “Авыл һәм урман хуҗалыгы. Урман һәм агач эшкәртү сәнәгате”ндә Миләүшә Гайнетдинова, “Химия технологияләре. Химия сәнәгате. Медицина һәм сәламәтлекне саклау. Тирәк-як мөхите саклау” номинациясендә Елена Крендельщикова, “Уйлаптабучанлык. Рациональләштерү эше. Стандартлаштыру эше. Патент эше”ндә Айваз Сәлимов һәм Артур Смирнов, “Иҗтимагый-икътисади өлкә” номинациясендә Гүзәл Ибраһимова җиңү яулады.