Күптән түгел “Мәгариф” өстенлекле илкүләм проектының “Иң яхшы укытучыларны бүләкләү” юнәлеше буенча 100 мең сумлык Президент грантына дәгъва кылучылар үзләренең педагогик эчшәнлекләрен тәкъдим итте. Бәяне ветеран мөгаллимнәр, мәктәп укучылары, район җитәкчелеге, педагоглар бирә.

Очрашу кысаларында катнашучыларның материалларыннан төзелгән тематик күргәзмә дә эшли, диелгән Татарстан Республикасының муниципаль берәмлекләре порталында.

Җәмәгать тыңлауларында үз эшләрен интернат-лицейдан Лилия Ганиева, Адав-Толымбайдан Илгиз Хәйруллин, М.Вахитов исемендәге гимназиядән Рузинә Низамиева, 1нче һәм 3 нче мәктәптән Светлана Победимская белән Гөлсинә Гыйниятуллина һәм Наилә Сабитова, Яңа Чәчкаптан Гөлнара Нәгыймуллина, Р.З. Сәгъдиев исемендәге мәктәптән Лилия Хисмәтова, Әлки урта мәктәбеннән Илдар Гыйниятуллин, Кыяттан Ольга Морозова, Черки-Гришин авылыннан Рина Абдуллина, Әлши авылыннан Галина Ашкерова һәм 2нче лицейдан Валентина Бакунина күрсәтә.

Грант 5 укытучыга биреләчәк. Буа районы мөгаллимнәре дә бу исемлеккә керерме? Бу – республика этабында хәл ителәчәк.