Россия Федерациясе Хакимияте 2009 елдан магистратура һәм аспирантурага бюджет урыннан санын күбәйтәчәк. Бу турыда Россиянең премьер-министры Владимир Путин хәбәр итте.

"Быелдан магистратурада бюджет урыннар 35 меңгә, аспирантурада 25 меңнән 30 меңгә кадәр күбәйтелә”, - дип белдерде премьер Мәскәү физика-техник институты студентлары белән очрашуында.
Шулай итеп яшь белгечләргә ярдәм итәргә уйлыйлар. Икътисади кризис шартларында алар эшкә урнаша алмый азаплана. Аспирантлар санын арттырып, тикшеренү эшен алып баручы стажерлар институтын үстерү дә планлаштырыла.

Икътисад югары мәктәбе фаразлавынча, кризис шартларында көндезге бүлекне тәмамлаучыларның 50 проценты яисә 200 мең дипломлы белгеч эшсез йөриячәк.

Чыганак: window.edu.ru