Рособрнадзор 2027 елда Россиякүләм тикшерү эшләренең (ВПР) кайчан үткәреләчәген хәбәр итте – 19 апрельдән 21 майга кадәр. Һәр мәктәп төгәл даталарны үзе билгели.

Россиякүләм тикшерү эшләрен 4-8 нче һәм 10 нчы сыйныф укучылары яза. Барлык сыйныфларда да рус теле һәм математика мәҗбүри кала. Моннан тыш, укучылар өстәмә фәннәр буенча да тикшерү эшләре башкарачак. Аларны федераль оештыручы очраклы рәвештә сайлый.

Өстәмә фәннәр арасында тарих, әдәбият, чит тел, география, биология, физика, химия, информатика һәм җәмгыять белеме бар.

Кайбер эшләрне 5-8 нче сыйныфларда компьютерда да тапшырып булачак. Моның өчен аерым чор билгеләнгән – 19-28 апрель, резерв көне – 29 апрель.

Күпчелек Россиякүләм тикшерү эшләре бер яки ике дәрес дәвам итәчәк. Бер дәреснең озынлыгы 45 минуттан артмаячак, нәтиҗәсен журналга билге итеп кую-куймауны мәктәп үзе хәл итә.