Россия Федерациясе мәгариф системасын тәшкил иткән университет, академия һәм институтларның яртысы үз статусларын акламый. Россия мәгариф күзәтүе башлыгы Любовь Глебова шундый фикердә.

«Уку йортларының аккредитацион күрсәткечләрне үтәү-үтәмәү процессын күзәтеп, шундый нәтиҗәләргә килдек: университетларның 48 проценты, академияләрнең 52 проценты, институтларның 59 проценты статусларына туры килми”, - диде Глебова.

Уку йортларының аккредитация узу тәртибе турындагы нигезләмә узган елның июль аенда гына кабул ителгән иде. Ләкин Россия мәгариф күзәтүе инде яңа төзәтмәләр кертүны планлаштыра. Ягъни аккредитация алу критерийләре янә үзгәрергә мөмкин. Төзәтмәләр яз көне кертелеп, яңа уку елына эшли башларга тиеш икән.

Чыганак: www.5ballov.ru