Татарстан Дәүләт әләмен дәүләт һәм муниципаль милектәге спорт объектларында, шулай ук милек формасына карамастан мәгариф оешмалары биналарында урнаштыру мәҗбүри булачак. «Татарстан Республикасы дәүләт символлары турында» республика законына тиешле үзгәрешләр кертелде, документка Татарстан Рәисе Рөстәм Миңнеханов кул куйды.

Әләм шулай ук яшьләр сәясәтен гамәлгә ашыру белән шөгыльләнүче дәүләт һәм муниципаль учреждениеләрдә даими урнаштырачаклар, йә аларның территорияләрендә урнаштырачаклар.

Моннан тыш, республика әләмен мәгариф оешмалары һәм яшьләр сәясәте учреждениеләре үткәргән массакүләм чаралар вакытында күтәрәчәкләр яки урнаштырачаклар. Бу таләп шулай ук рәсми физкультура чараларына һәм спорт ярышларына да кагыла.