Быел «Авыл укытучысы» конкурсына 265 гариза кабул ителде. Финалга чыккан 8 укытучы һәм 4 тәрбияче Кайбыч районы Әбрар Сәгыйди исемендәге Кошман төп мәктәбендә чыгыш ясадылар. Аларны бүләкләү тантанасы 2 октябрьдә Казандагы яңа ачылган Укытучылар йортында ТР Мәгариф һәм фән министры Ильсур Һадиуллин катнашында үткәреләчәк.

Әбүнәгыймова Лилия, Түбән Кама районы Шәңгәлче төп гомуми белем бирү  мәктәбенең физика һәм математика укытучысы;

Гомәров Равил, Апас районы Апас урта гомуми белем бирү мәктәбенең тарих һәм җәмгыять белеме укытучысы;

Җәләлиева Наилә, Питрәч районы Шәле урта гомуми белем бирү мәктәбенең биология һәм химия укытучысы;

Нәҗметдинова Чулпан, Сарман районы Сарман гимназиясенең татар теле һәм әдәбияты укытучысы;

Садикова Альбина, Балтач районы Балтач урта гомуми белем бирү мәктәбенең инглиз теле укытучысы;

Садриева Гүзәл, Әлки районы Базарлы Матак гимназиясенең математика укытучысы;

Төхбәтуллин Дамир, Азнакай районы Урманай авылы урта гомуми белем бирү мәктәбенең «Ватанны саклау  һәм иминлек нигезләре» укытучысы;

Шәрифуллина Ангелина, Актаныш районы Пучы урта гомуми белем бирү мәктәбенең рус теле һәм әдәбияты укытучысы;

Гатауллина Гөлназ, Балтач районы Кариле балалар бакчасы тәрбиячесе;

Гафурова Альбина, Питрәч районы Көек авылының 3 нче  «Улыбка» балалар бакчасы тәрбиячесе;

Дәүләтшина Миләүшә, Кукмара районы Чишмәбаш авылы балалар бакчасы тәрбиячесе;

Егорова Марина, Кукмара районы Нырья авылы балалар бакчасы тәрбиячесе.

 2027 елда  бәйгенең йомгаклау өлеше  кайсы мәктәптә узар? Бу сорауга  җавапны 2 октябрьдә ишетербез. 2025 елда  конкурс Лаеш районы Имәнкискә урта мәктәбендә булган иде.

Исегезгә төшерәбез: «Авыл укытучысы – 2026» конкурсы мәктәпкәчә, башлангыч, төп һәм урта гомуми белем бирү учреждениеләрендә эшләүче хезмәткәрләрдә иҗади активлыкны, алдынгы инновацияләргә омтылышны тәрбияләү, укыту һәм тәрбия бирү нәтиҗәлелеген арттыру, авыл укытучыларының һөнәри мохиттә абруен күтәрү, иҗади һәм инновацион укыту алымнарын кулланучы мәгариф хезмәткәрләрен ачыклау һәм аларның эшчәнлеген җәмәгатьчелеккә таныту максатыннан оештырыла.