Хөрмәтле тәрбиячеләр, мәктәпкәчә белем бирү оешмалары хезмәткәрләре һәм педагогик хезмәт ветераннары!

Татарстан Республикасы Мәгариф һәм фән министрлыгы һәм шәхсән үз исемемнән сезне мәктәпкәчә белем бирү хезмәткәрләре көне белән чын күңелдән котлыйм!

Бу бәйрәм – үзенчәлекле. Ул һәр көнне балаларга кайгыртучанлык, сабырлык, җылылык һәм яхшылыкка ышаныч бүләк иткән кешеләргә багышлана. Нәкъ менә сез һәр баланың һәм бөтен республикабызның киләчәген төзүгә нигез саласыз.

Татарстан Республикасында мәктәпкәчә белем бирү, илебезнең иң яхшы традицияләренә таянып һәм мәдәни кыйммәтләрен саклап, хәзерге дөнья таләпләренә туры китереп ышанычлы рәвештә үсә.

2026 ел Россия Федерациясе мәгариф министрлыгы тарафыннан мәктәпкәчә белем бирү елы дип игълан ителде. Татарстан Республикасы өчен бу системалы эшләү өчен масштаблы платформа: белем бирү хезмәтләренең сыйфатын күтәрү, мәктәпкәчә белем бирү педагогы һөнәренең (тәрбиячеләрнең)  абруен ныгыту, нәниләрнең гаиләләре белән нәтиҗәле партнерлыкны үстерү.

Укытучы һәм тәрбияче булу –  ул югары дәрәҗә. Балаларыбызның киләчәге сезнең куллар белән төзелә. Сез нәниләргә  беренче остазлар һәм аларның әти-әниләре өчен киңәшчеләр. Һәр баланың иминлеге турыдан-туры сезнең һөнәри осталыгыгызга һәм тәҗрибәгезгә бәйле.

Бүген республиканың мәктәпкәчә белем бирү системасында 47 021 кеше эшли, шуларның 20 меңнән артыгы – педагоглар. Бу тәрбиячеләр, музыка җитәкчеләре, физик культура буенча инструкторлар, психологлар, логопедлар, дефектологлар һәм мәгариф оешмалары җитәкчеләре – сезнең һәрберегез балаларыбызның балачагы бәхетле һәм имин булсын өчен үз өлешен кертә.

Бер генә балалар бакчасы да пешекчеләр, шәфкать туташлары һәм башка белгечләрдән башка эшли алмый. Сезнең игелегегез, күңел җылыгыз һәм педагогик осталыгыгыз балаларыбызның һәр көнен бәхетле, шатлыклы һәм танып-белүләргә бай итсен.

Чын йөрәктән сезгә нык сәламәтлек, бетмәс-төкәнмәс илһам, балаларның рәхмәтле елмаюларын, хезмәттәшләрегез һәм сезгә ышанып тапшырылган нәниләрнең әти-әниләре белән  үзара аңлашу телим!