Казан мэриясе тарафыннан ел дәвамында оештырылучы бушлай татар теле курсының чираттагысы 21 сентябрьдә башланып китәчәк. Проект Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау һәм үстерү мәсьәләләре комиссиясе ярдәме белән тормышка ашырыла.

Алты атналык татар теле курслары берничә әзерлек дәрәҗәсенә исәпләнгән. Башлангычлар пәнҗешәмбе, ә дәвам итүчеләр төркеме сишәмбе саен икешәр сәгать шөгыльләнәчәк.

Татар теле курсы тел, грамматика һәм сөйләм нигезләреннән торган программадан гыйбарәт. Иң яхшы укучыларга традиция буенча Рәхмәт хатлары һәм истәлекле бүләкләр тапшырыла.

Курсларга түбәндәге сылтама аша теркәләп була:

https://forms.yandex.ru/u/6aa2b16549363935d48f673c/

Урыннар саны чикле, әгәр дә сылтама эшләми икән, димәк, төркем тулган дигән сүз.