Бүген, 26 августта, Татарстан халыклары дуслыгы йортында «Милли мәгариф: традицион кыйммәтләр һәм заманча технологияләр» туган (чуаш, удмурт, мари, мордва, башкорт) теле һәм әдәбияты укытучылары өчен Республика семинары үткәрелде.

Катнашучыларны Татарстан Республикасы Дәүләт Советы депутаты, Татарстан Халыклары ассамблеясе Советы Башкарма комитеты җитәкчесе Вәлиуллин Ренат Нәкыйф улы, Казан шәһәре «Татарстан халыклары дуслыгы йорты» муниципаль учреждениесе директоры Кадыйров Тимур Рәфкать улы сәламләде.

Татарстан Республикасы Мәгариф һәм фән министры урынбасары Закирова Минзәлия Заһри кызы «Милли мәгариф: традицион кыйммәтләр һәм заманча технологияләр» темасына, «Татарстан Республикасы Мәгарифне үстерү институты» өстәмә һөнәри белем бирү дәүләт автоном мәгариф учреждениесенең татар теле һәм әдәбияты кафедрасы мөдире Шәмсетдинова Рәсимә Равил кызы «Туган тел укытучысының һөнәри үсеш векторлары» турында сөйләде.

Татарстан Республикасы Мәгариф һәм фән министрлыгының «Республика олимпиада үзәге» ДАМУ директоры Исламова Гөлнара Илдар кызы «2025-2026 уку елында мәктәп укучыларының республика олимпиадаларының йомгаклау этабы йомгаклары» белән таныштырды.

Яр Чаллы шәһәре мәгариф идарәсенең гомуми белем бирү бүлеге баш белгече Абишева Алена Петровна «Туган телләр дөньясында навигатор: тере сүзне саклау һәм үстерү коралы буларак ясалма интеллект» темасына чыгыш ясады.

Пленар утырыш Мәгариф хезмәткәрләрен бүләкләү тантанасы белән тәмамланды.

Чара методик мәйданчыклар эше белән дәвам итте. Аудиториягә «Туган (чуаш) телен һәм әдәбиятын укыту», «Туган (удмурт) телен һәм әдәбиятын укыту»,«Туган (мари) телен һәм әдәбиятын укыту», «Туган (мордва) телен һәм әдәбиятын укыту», «Туган (башкорт) телен һәм әдәбиятын укыту» темаларына чыгышлар тәкъдим ителде.