Пәйгамбәребез Мөхәммәд (с.г.в.) бер хәдисендә болай ди: «Ике төрле нигъмәт бар. Күп кешеләр аларның нигъмәт (байлык, хәзинә) икәнлеген белмичә яши. Ул да булса, сәламәтлек һәм вакыт.

   Олыгаеп, гомернең үтеп китүен аңлагач кына: «Вакытны кире кайтарып булса иде!» – дип уфтанудан файда юк. Шуңа күрә кече яшьтән үк укучыларыбызны вакытның кадерен белергә, үз сәламәтлекләрен сакларга өйрәтү - укытучыларның мөһим бурычы. Моның өчен дәрестә дә, сыйныфтан тыш чараларда да мөмкинлекләр табарга мөмкин. Шул максаттан тәҗрибә уртаклашып, “Вакытның кадерен беләм” дигән дәрес эшкәртмәсе (5 сыйныф, рус төркеме) тәкъдим итәм.