«Гаилә һәм мәктәп» журналы редакциясе, татар халкының герой-шагыйре Муса Җәлилнең тууына 120 тулу уңаеннан, Муса Җәлилнең Казан шәһәрендәге музей-фатиры белән берлектә, басмага язылучылар арасында яңа иҗади бәйге игълан итте.

Бәйгедә мөгаллимнәр, тәрбиячеләр, китапханәчеләр, өстәмә белем бирү педагоглары һәм иҗади әти-әниләр катнаша ала.

Номинацияләр:

1. Дәрестән тыш чара сценарие.

2. Дәрес эшкәртмәсе.

3. Презентация.

4. Видеоролик.

5. Иҗади эш – кул эшләнмәсе.

6. Муса Җәлил музей-фатирындагы бер экспонат тарихы.

Бәйге эшләре һәм гаризалар gaila-mektep@mail.ru электрон адресына февраль ахырына кадәр кабул ителә. «Гаилә һәм мәктәп» журналына язылу турында квитанция күчермәсен дә беркетергә онытмагыз.

Җиңүчеләрне бүләкләү Казан шәһәрендәге Муса Җәлил музей-фатирында үткәреләчәк.

Бәйгенең нигезләмәсе язмага беркетелде.