Киләсе елда Казанда Укытучылар скверын һәм Мәгариф хезмәткәрләре йортын ачу планлаштырыла. Бу хакта туры эфир вакытында ТР Мәгариф һәм фән министрының беренче урынбасары Рәмис Мөҗипов хәбәр итте.

Проект буенча скверда «Белем» павильоны, амфитеатр, интерактив өчен зона, мультимедия экспозицияләре, арт-объектлар һәм скульптура урнаштырылачак. Әлеге җәмәгать киңлеге Казансу яр буенда «УРАМ » экстрим-паркы һәм «Елмай» балалар паркы арасында 0,72 гектар мәйданны биләячәк.