ТР Милли китапханәсендә лекцияләр узачак, аларда космос серләре турында фикер алышачаклар. Спикерлар астрономия һәм физика өлкәсендәге белгечләр булачак.

9 нчы февральдә 18:00 сәгатьтә «Галәмнең караңгы матдәсе» лекциясе узачак. Анда билгесез караңгы матдәнең Галактикага һәм йолдызларга йогынтысы турында фикер алышачаклар. Сылтама буенча алдан теркәлү үткәрелә.

12 нче февральдә 17:30 сәгатьтә кешенең кара тишекләр турындагы күзаллаулары, шулай ук аларның генезисы, классификациясе, серләре турында фикер алышачаклар. Лекциядә катнашу өчен теркәлергә кирәк.

Лекцияләргә керү бушлай, дип хәбәр итә оештыручылар.