«Ел укытучысы» бәйгесендә җиңүчегә миллион сум акча түләргә тәкъдим ителде
23 Jan, 2023 Гөлназ Рәшитова 0
Россия Мәгариф министрлыгы «Россия Ел укытучысы» конкурсында җиңүчегә бер миллион сум, призерларга – 500 мең сум күләмендә бүләк бирергә тәкъдим итә.
Шундый карар проекты норматив-хокукый актлар проектларының рәсми интернет-порталында урнаштырылган.
«Ел саен түләнә торган акчалата бүләкләү кертү карар проектында каралган. «Россия Ел укытучысы» һөнәри конкурсы җиңүчесенә һәм призерларына акчалата бүләкләү күләме: җиңүчегә – 1 миллион сум, һәр призерга – 500 мең сум», – диелә документта.