Татарстанда яңа коронавирус инфекциясенә каршы көрәш чараларын озайтсалар, Казан (Идел буе) федераль университеты студентлары җәйге сессияне онлайн режимда тапшырачак. Бу хакта югары уку йортының матбугат хезмәтеннән хәбәр итәләр.

«Профилактик чараларны 30 апрельдән соң озайткан очракта, Казан (Идел буе) федераль университеты югары уку йортында барлык белем алучылар өчен зачет-имтихан сессиясен дистанцион рәвештә үткәрергә әзер», — диләр алар матбугат.

Хәзерге вакытта университетта барлык белем бирү процессы дистанцион рәвештә гамәлгә ашырыла.