Казанда туган телләрне укытуга багышланган төбәкара фәнни-гамәли конференция үткәрелә
11 нче июль көнне "Россия Федерациясе мәгариф системасында республикаларның дәүләт телләрен һәм туган телләрне укыту принциплары" дип исемләнгән төбәкара фәнни-гамәли конференция үтәчәк.
Максаты: бүгенге хокукый вәзгыятне күздә тотып федераль үзәк өчен фәнни-эксперт тәкъдимнәр формалаштыру, алдынгы тәҗрибәне барлау.
Конференциянең юнәлешләре: туган телләрдәге мәгарифнең норматив-хокукый нигезләре, төбәк телләрдәге мәгариф һәм билингвальлек программаларының тәҗрибәсе, республикаларның дәүләт телләрен укытуның бүгенге халәте һәм перспективалары.
Оештыручысы: Татарстан Фәннәр академиясе Мәрҗәни исемендәге тарих институтының Х.Фәезханов исемендәге Милли мәгариф тарихы һәм теориясе үзәге.
Катнашучылар: Татарстан һәм Россия төбәкләре галимнәре һәм экспертлары, җәмәгать оешмалары вәкилләре, матбугат чаралары.
Конференция үткәрелү вакыты: 10:30 – 13:30 сәг.
Теркәлү вакыты: 10.00 -10.30сәг.
Үткәрелү урыны: Казан шәһәре, Батурин урамы, 7. Татарстан Фәннәр академиясенең Мәрҗәни исемендәге тарих институтының конференц-залы.