Чаллыда «Нәфис сүз остасы» бәйгесендә татар телендә иң яхшы алып баручыны ачыклаячаклар. Конкурсның финалы 20 мартта «Нур» яшьләр үзәгендә уза.

Бәйге татар телен популярлаштыру һәм талантлы яшьләрне, аларның иҗат потенциалын ачыклау, яшьләрдә мәдәни-ял эшчәнлегенең һөнәри дәрәҗәсен күтәрү максатыннан үткәрелә.

Конкурсны «Мизгел» клубы рәсми чараларны алып баручы; күңел ачу шоу-программаларын, шул исәптән массакүләм һәм спорт чараларын алып баручы; йола, фольклор, күңел ачу-уен программаларын алып баручы номинацияләре буенча үткәрә.

Бәйгедә катнашу өчен 16 мартка кадәр mizgel1919@mail.ru электрон почтасына гариза юлларга кирәк.