Күз алдыгызга китерегез, саннар булмаса телефоннар булмас иде, адреслар, туган көннәр, гомумән, дөньяда тәртип булмас иде. Шуңа да мин бүгенге дәресне “Саннарда да хикмәт бар” дип атадым. Хәтта дәресебезне дә без сан язудан башлыйбыз (датаны дәфтәрләргә язу).

Ә хәзер слайдка игътибар итегез. Саннарның төркемчәләргә бүленеше төрле телдә төрлечә, охшаш яклары да булырга мөмкин. Таблицага карап шушы мәсьәлә буенча нинди нәтиҗә ясый алырсыз?

Таблицадан күренгәнчә, татар телендә микъдар, тәртип, җыю, чама, бүлем сан төркемчәләре бар, рус телендә чама, бүлем саны юк, инглиз телендә җыю, чама, бүлем саны юк – аерма шунда.