Шәмсия Җиһангирова җыр текстларының тематикасы һәм поэтик төзелеше
Шәмсия Җиһангирова сүзләренә язылган җырларны җырламаган, һич тә булмаса үз алдына авыз эченнән көйләмәгән берәр татар кешесе бар микән?
Иҗат кешесе өчен үз моңыңны табу бер кыен булса, аны саклап калу икеләтә авыр. Кайлардан килә соң бу моң чишмәсе шагыйрәгә? Җыр кешенең эчке дөньясын, аның хисләрен һәм кичерешләрен чагылдыра. Хәзерге татар шигъритятенең күренекле вәкиле буган Шәмсия Җиһангирова өч йөздән артык җырлар авторы буларак билгеле.
Ш.Җиһангирова үзенең балачак турындагы истәлекләрендә җырлар турында еш искә ала. Җырлар аның күңеленә бик яшьли үтеп кереп иҗатында да урын алганнар. Шәмсия Җиһангирова – лирик шагыйрь. Лирик поэзиянең үзенчәлекле төре – җыр жанры һәрвакыттагыча шигъриятнең һәм җәмгыятьчелекнең игътибар үзәгендә була.
Җыр ул телдән, күңелдән башкарыла торган әсәр. Шуңа күрә җыр өчен махсус язылган шигырьдә рифма, гади дә, шул ук вакытта тирән дә булган шигьри эчтәлек, сюжетлылык, образлылык иң мөһим компонентлардан санала. Әлеге кагыйдәләрне шагыйрь яхшы тоеп эш итә белгәндә генә уңай нәтиҗәләргә ирешә ала.
Беркетелгән файл | Күләме |
---|---|
Шәмсия Җиһангирова җыр текстларының тематикасы һәм поэтик төзелеше | 32.54 KB |