Без бүген сезнең белән Габдулла Тукай тормышында зур урын алып торган милли көй, музыка һәм халык җырлары турында  сөйләшербез.

Күз алдыбызга китерик, укучылар... Казанның "Амур" кунакханәсендә бер бүлмә. Шагыйрь, кызу мичкә аркасын терәп, җылынырга тырыша. Ул шулай сәгатьләр буе җылына. Шунда янында калган дустына сүз куша: "Я башкорт, җырлаек әле"... Шагыйрь "җырлаек"ны башкорт акценты белән әйтергә тырыша. Дустын ул, Уфа ягы, Ашказар буеннан булганга, башкорт булмаса да, шулай дип атый. Мондый очрашуларда алар һаман шул "Әллүки"не җырлыйлар...

Ишеттем мин кичә: берәү җырлый
Чын безнеңчә матур, милли көй...