Әлмәт шәһәрендә халыкара мәгариф учреждениесе барлыкка килергә мөмкин.

Шәһәр һәм район Советы сессиясендә Татарстан Президенты Рөстәм Миңнеханов “Татнефть” компаниясе генераль директоры Наил Магановка шундый тәкъдим ясады.

— Әлмәттә дә  халыкара мәктәп булырга тиеш, — дип мөрәҗәгать итте Рөстәм Миңнеханов. — Халыкара мәктәп төбәккә инвесторлар җәлеп итү өчен алшарт булып тора.

Бүген Татарстанда халыкара мәктәпләр "Алабуга" һәм "Иннополис" икътисади зоналарында эшли инде.