Каеннарның зифалыгы сездә, моңсулыгы алтын көзләрнең.
Аяз көннең күген хәтерләтеп, нур сибәләр зәңгәр күзләрең.

Инешләрнең сабырлыгы сездә, чишмә суларының сафлыгы
Моң-сагышлар сарган күңелегездә яңа яуган карлар аклыгы.

Садәлек тә, сәгадәт тә сездә, эчкерсезлек бизи үзегезне.
Якты нурын сипкән ай-кояштай күрәм сезнең күркәм йөзегезне.

Тик сиңа хас гүзәл сыйфатларны мөмкинме соң санау барысын да?!
Тының өреп, мәрхәмәтле җанны төзәтерлек тылсым бар сездә.