Интернет! Интертат! Мәгълүмат! Яз! Ярату! Шушы сүзләрне кертеп өч-дүрт куплетлы шигырь язган авторны эзлибез.

Бәйгегә килгән барлык әсәрләр газетабыз битендә урын алачак. Ә иң яхшы дип табылган шигырьләр авторларын, гадәттәгечә, бүләкләр көтә. Беренче урынны яулаучыларга Казан театрларына һәм Милли музейга ике кешелек билет тапшырылачак.

Бәйгенең җиңүчеләре берничә номинациядә билгеләнәчәк:

- Иң креатив шигырь
- Иң лирик шигырь
- Иң кызык шигырь

Күңел дәфтәреңдәге шигырь кыйпылчыкларын саклап ятма! Тот та безгә – intertat.baige@mail.ru адресына җибәр. Бәйге март ахырына кадәр дәвам итәчәк.

Шунысын да әйтеп узыйк, 1 март көнне Intertat.ru - республиканың беренче татар электрон газетасы чыга башлауга 12 ел тулды. Безнең шигъри бәйге шушы уңайдан уздырыла.
... Бергә булыйк, бердәм булыйк, дуслар!

Чыганак: http://www.intertat.ru/tt