Максат:

1) укучыларның кыргый хайваннар турында белемнәрен тирәнәйтү һәм гомумиләштерү;

2) әкиятне аңлап,игътибар белән тыңлауны камилләштерү;

3) укучыларда гаиләдә һәм бер-берсенә карата дус-тату яшәү мөнәсәбәтләрен тәрбияләү;

Дәреснең тибы:яңа материалны аңлату

Материал һәм җиһазлау: презентация (табышмаклар, кроссворд, сүзлек эше, музыкалы уен, музыкалы физкультминутка, әкият, рәсемнәр, схема), уенчыклар, техник җиһазлар.

Дәрес барышы:

I. Оештыру өлеше.

- Исәнмесез, укучылар! (укытучы апа!)

- Хәерле көн, укучылар! (Хәерле көн, укытучы апа!)

- Хәлләрегез ничек? (Бик яхшы, бик әйбәт!)

- Укучылар бүген безгә кунакка Бака килгән. Аның сезнең белән исәнләшәсе килә: (Слайдта Бака җырлап күрсәтә)