Быел Бөгелмәнең үзәк мәй­данында төзекләндерү эш­ләре барышында Габдулла Тукайның әкият поэмасы герое Шүрәле сынын урнаштырдылар. Экспонатны Бө­гелмә сынчысы Андрей Майер ясаган.

Аның биеклеге – 2,65 метр, авырлыгы 3 тоннадан артык. Әкият герое бетоннан коелган, махсус тышча белән эшкәртелгән. Шүрә­лене автор ярты ел эшләгән. Бөгелмә шәһәре архитекторы Марсель Каюмов әйтүенчә, сынны бирегә урнаштыру бик отышлы, чөнки бу әкият герое бөгелмәлеләрнең яшенә дә, картына да бик таныш. Өс­тәвенә әкият кунагы бөгел­мәлеләрнең яраткан ял итү урынына милли аһәң биреп тора.

Чыганак: http://tatarile.org