Белем.ру порталының форумы югалган балаларны эзләүдә ярдәм күрсәтә башлады
1 Aug, 2011 root 1
Белем.ру порталының форумы югалган балаларны эзләүдә ярдәм күрсәтә башлады. Форумның "Югалган балаларны эзләү" рубрикасында "Поиск детей - Татарстан" ("Балаларны эзләү - Татарстан") волонтерлар берләшмәсенең кайнар мәгълүматлары урнаштырылып барылачак. Шулай ук, Татарстан территориясендә баласы югалган теләсә кем әлеге форумга мөрәҗәгать итә ала.
Әлеге волонтерлар берләшмәсенең төп рәсми сайты: http://www.poiskdetei.ru. Балаларны эзләү буенча төп эшчәнлек әлеге сайтның форумында алып барыла: http://poiskdetei.ru/forums/.
Югалган балаларны эзләүдә порталыбыз кулланучылары да актив катнашсын иде дигән теләктә калабыз!
Фикерләр
root
3 Август, 2011 - 11:22
Permalink
Һәр 6 сәгать саен диярлек 1 бала гомерлеккә югала
Әлеге Бердәмлекнең Интернет челтәрендә рәсми Мәгълүмати агентлыгы ачылды: http://www.poiskdetei.info.
Әлеге агентлык мәгълүматы буенча һәр 30 минут саен 1 бала югала. Димәк, көненә 48 бала, елына якынча 15 меңгә якын бала. Әлеге балаларның мең ярымы табылмый, гомерлеккә югала.
Югалган балаларның якынча 1/3 өлеше үле килеш табыла.
Һәр 6 сәгать саен диярлек 1 бала гомерлеккә югала.
Әлеге балалар арасында безнең балаларыбыз, якын кешеләребезнең балалары да булырга мөмкин.
Бу эшкә җаваплылык белән карыйк, кулдан килгәнчә ярдәм итешик!