“Зур бәхетләр сызганып эшкә бирелгәннән килә, аһ, оят, хурлык, түбәнлекләр иренгәннән килә” (Г.Тукай)

Тылсымчы: Әйе, сөекле шагыйребез Г.Тукайның шигъри юлларында дөреслек ярылып ята. Тирә-ягыбыздагы барлык әйберләр кешенең тырыш хезмәте ярдәмендә килә. Игенчеләр икмәк үстерә, табиб кешеләр сәламәт булсын һәм авыруларны терелтү өчен тырыша, пешекче тәмле ашлар пешерә, төзүче биек-биек йортлар төзи. Әйдәгез, һөнәр сүзенең төгәл аңлатмасын Татар теленең аңлатмалы сүзлегеннән ачып карыйк.

Һөнәр – 1) Нәрсә дә булса җитештерү, ясау өчен осталык, күнекмә һәм махсус белем таләп итә торган эш, шөгыль. 2) Белгечлек, профессия.

(Татар теленең аңлатмалы сүзлеге, Казан, “Матбугат йорты” нәшрияты, 2005, 431 бит)