Ике канатлы иҗат (Роберт Миңнуллин күренекле балалар шагыйре генә түгел, олы поэзия шагыйре дә)
Роберт Мөгаллим улы Миңнуллин 1948 елның 1 августында Башкортостанның Илеш районы Нәҗәде авылында туа. Бер елдан соң аларның гаиләсе Кыпчак авылына күчеп килә. Булачак шагыйрьнең балачагы, үсмер еллары Сөн буена урнашкан Шәммәт авылында уза. Шунда башлангыч мәктәптә укый. Бишенче класстан Аккүз сигезьеллык мәктәбенә йөреп укый. Мәктәпне тәмамлаганнан соң Уфадагы сәүдә – кулинария училищесына укырга керә. Берничә айдан, туган авылына кайтып китапханәдә, аннары колхозда эшли. Икенче елны Югары Яркәй мәктәбендә укый. 1966 нчы елда Карабаш урта мәктәбен тәмамлап, ике ел Илеш районының “Маяк” газетасы редакциясендә әдәби хезмәткәр булып эшли. Аннары Казан дәүләт университетының тарих-филология факультетына укырга керә. 1973 елда укуын тәмамлап, "Яшь ленинчы" газетасында эшли башлый.
1977 -1983 елларда ул "Казан утлары" журналы редакциясендә башта – хатлар бүлегендә мөхәррир, аннары җаваплы сәркатип була. 1983 -1986 елларда – Татарстан телевидениесендә, 1986 -1995 елларда - "Яшь ленинчы " ("Сабантуй") газетасында баш редактор. 1995 елдан – Татарстан Республикасы Дәүләт Советының Мәдәни һәм Милли мәсьәләләр комиссиясе рәисе, 2000 елдан Татарстан Дәүләт Советы Рәисе урынбасары.
Р.Миңнуллин мәктәптә укыганда ук шигырьләр яза, алар "Башкортостан пионеры", "Маяк" газеталарында басыла. Иҗат белән ныклап шөгыльләнә башлавы район газетасында әдәби хезмәткәр булып эшләгән елларга туры килә.
Казан дәүләт университетында укыган чагында Р.Миңнуллинның шигырьләре "Татарстан яшләре", "Социалистик Татарстан", газеталарында, "Казан утлары" журналында, "Идел" альманахында дөнья күрә. Яшь шагыйрьнең "Беренче карлыгачлар" исемле китабына (1970) кергән шигырьләрен җәмәгатьчелек яратып кабул итә.
Беркетелгән файл | Күләме |
---|---|
Ике канатлы иҗат | 21.82 KB |
Фикерләр
Кунак
6 Октябрь, 2010 - 03:11
Permalink
Хуплау
Миңнуллина Ләйсән Фәрит кызы: «Роберт абый Миңнуллин беренче булып өлкәннәр һәм балалар арасындагы катлаулы мөнәсәбәтләрне, сабыйлар дөньясындагы четерекле проблемаларны чагылдыра алды. Моңа кадәр балаларныкы саналмаган темаларны да нәниләр поэзиясенә Р.Миңнуллин кертте...»
Алма бабай вазыйфасын үтәүче олы йөрәкле, киң күңелле кеше ул Роберт абый, чыннан да: бала күңелендә ипле генә урнашырдай сүзләр таба белә ул.