Ясалма фәһем буенча Бөтенроссия олимпиадасының төп этабы тәмамланды. Ике иң катлаулы тур һәм машинада эшләргә өйрәтү (машинное обучение) буенча дүрт бирем артта калды, аларны дөрес чишкән өчен 1 500 баллга кадәр җыярга мөмкин иде.

Татарстан Республикасы искиткеч нәтиҗә күрсәтте: безнең берьюлы биш мәктәп укучысы иң яхшылар исемлегенә керде һәм финалга юллама алды. Финалда Россияның 18 төбәгеннән һәм башка биш илдән барлыгы  61 катнашучы көч сынашачак.

Ә инде 31 октябрьдә барлык катнашучылар өчен вебинар уздырылачак: оештыручылар биремнәрне, дөрес чишелешләрне һәм иң еш очраган хаталарны анализлаячак.