Гыйнвар аенда “Укучы-занковчыларның Республикакүләм интеллектуаль марафоны»ның республика туры узачак, дип хәбәр иткән идек.

Марафон биремнәре гомуми урта белем бирү оешмаларының 4нче сыйныф программаларына туры килә. Предметларга килгәндә, бу - “Рус теле”, “Рус әдәбияты”, “Математика”, “Тирә-як дөнья.

Марафон 3 турда уза. Беренчесе, гомуми урта белем бирү оешмасында төзелгән оештыру комитеты тарафыннан үткәрелә. Икенчесен, Л.В. Занков исемендәге Федераль фәнни-методик узәкнең региональ филиалы оештыра. Соңгы тур - федераль масштабта. Аны фәнни-методик үзәк үзе үткәрәчәк.

Марафонда Л.В. Занков системасы буенча белем алучы 4нче сыйныф укучылары катнаша.

23нче гыйнварда Казан шәһәре Идел буе районының 6нчы гимназиясендә занковчы укучыларының җиденче бөтенроссия интеллектуаль марафонының республика туры узды.

Татарстан Республикасының Мәгариф һәм фән министрлыгы биргән мәгълүматларга караганда, марафонда республиканың 20 районыннан Л.В.Занковның үстерелешле укыту системасы буенча белем алучы 63 дүртенче сыйныф укучысы катнашкан. Марафон нәтиҗәләре буенча 2009 елның 23-29 мартында Самара шәһәрендә федераль турда катнашачак укучылар билгеле. Бу – Лениногорск районы Шөгер урта мәктәбенең 4нче сыйныф укучылары.