Соңгы биш елда Татарстан башкаласына Россиянең 23 төбәгеннән 1305 укытучы күченгән. Узган ел Казан мәктәпләре Башкортстаннан, Марий Элдан, Чуваш Республикасыннан, Киров, Ульяновск һәм Самара өлкәләреннән, шулай ук илнең башка торак пунктларыннан 160 педагог кабул иткән. Шәһәрнең мәгариф учреждениеләренә яшьләрне дә, тәҗрибәле педагогларны да җәлеп итәләр. Укытучыларның күченүенең төп сәбәбе - һөнәри күнекмәләрне үстерү өчен мөмкинлекләр.

Үз чиратында Казан мәктәпләре «Яшьләр һәм балалар» илкүләм проекты кысаларында уңайлы эш һәм үсеш өчен бөтен шартлар тудыра. KZN.RU порталы корреспонденты Татарстан башкаласына килгән укытучылар белән аралашты һәм аларның яңа шәһәрдән беренче тәэсирләре һәм укытуның кулланыла торган ысуллары турында белде.

«Казан - мөмкинлекләр шәһәре» ди Яңа Савин районының 113 нче мәктәбендә математика укытучысы Анна Шевчук, ул Камчатка краеннан күчеп килгән. Шәһәр күпсанлы мөмкинлекләр белән шатландыра: биредә даими рәвештә фестивальләр, конкурслар һәм конференцияләр уза, анда катнашучылар бөтен илдән җыела. Бу сәламәт көндәшлек атмосферасын тудыра һәм тәҗрибә алмашу өчен зур мөмкинлекләр бирә. Казан мәктәпләре укучыларга яхшы, ныклы белем бирә, ә укытучыларга һөнәри үсеш өчен менә дигән шартлар бар.

«Монда укучылар һәм педагогларның укуы һәм күпкырлы үсеше өчен бөтен шартлар тудырылган» ди Әлфия Насыйрова, Яңа Савин районының 107 нче гимназиясенең физик культура укытучысы, Чиләбе өлкәсеннән күчеп килгән.

Казан бик динамик, матур һәм тиз үсә торган шәһәр. Аңаның белән бергә үсүсе килә" ди Лилия Фәрхетдинова, Идел буе районының 186 нчы лицеенда математика укытучысы, ул Удмуртия Республикасыннан күчеп килгән.