Хөрмәтле әдәбият сөючеләр һәм интернет-кулланучылар!

Бүген бик күпләр яратып катнаша торган XXX "Әдәби марафон" проекты старт алды.

Әлеге проект 2017 елдан башлап елга 4 тапкыр (гыйнвар, апрель, июль, октябрь айларында) үткәрелә һәм китап укучылар белән язучылар арасында араларны якынайта.

Проектта катнашу һәм финалга уңышлы барып җитү, үзеңдә китап уку гадәтен формалаштыру өчен 21 көн дәвамында (1-21 гыйнвар) татар телендә әдәби китап/журнал (роман, повесть, хикәя, пьеса, поэма, шигырь) укырга һәм укыган әдәби әсәрдән иң мәгънәле, кызыклы һәм файдалы өзекләрне үз сәхифәгездә башкаларны да кызыктырырлык итеп, фотосурәтләр, аудио яисә видеоязмалар өстәп #әдәбимарафон һәм #әдәбимарафон2025 хэштеглары, оештыручыларның һәм партнерларның хэштеглары, әсәр исеме һәм әсәр авторы хэштеглары белән "ВКонтакте" (vk.com) яисә "Миллион татар" (million.tatar) социаль челтәрендә урнаштырып барырга кирәк.

Гаризалар https://vk.com/wall-143856908_27526 адресы буенча кабул ителә. Бәйгенең нигезләмәсе Фондның рәсми сайтында урнаштырылган: https://tat-i.net/tt/adabi-marafon-2025.