24-25 август көннәрендә Казанда “Печән базары” татар шәһәр мәдәнияте фестивале узачак. Чара Иске Татар бистәсендә – Кабан күле буенда һәм Шиһабетдин Мәрҗани урамында үткәрелә.

Ачык һавада кул эшләнмәләрдән милли дизайн-маркет, аш-су, лекторий, җанлы музыка, остаханәләр, балалар мәйданчыгы, экскурсияләр, дуслар белән очрашу урыны һәм башкалар булачак.

Катнашучы булу өчен, ягъни үз продукцияңне маркетта күрсәтү өчен, онлайн-гаризаны сылтама буенча 9 августка кадәр тутырырга кирәк.